Policia jep detaje për vrasjen e gruas nga burri i saj në Llaushë të Skenderajt

09:14 | 6 Janar 2022
L G

Një vrasje e rëndë ka ndodhur pasditen e së mërkurës në Llaushë të Skenderajt, e cila ka tronditur gjithë Kosovën.

I dyshuari që ka kryer këtë krim është bashkëshorti i gruas së vrarë, shkruan arbresh.info.

Sipas policisë viktima ka ndërruar jetë në vendin e ngjarjes, ndërsa është sekuestruar arma e krimit.

Ngjarja rëndë ka ndodhur rreth orës 13:30 të ditës së djeshme (e mërkurë).

“Është arrestuar i dyshuari mashkull kosovar pasi që i njëjti e kishte qëlluar me armë zjarri bashkëshorten e tij, viktimën femër kosovare, e cila si pasoj kishte pësuar lëndime vdekjeprurëse. Në vendin e ngjarjes kanë dalë të gjitha njësitë relevante të policisë dhe ekipi mjekësor. Nga i dyshuari është sekuestruar një pistoletë me tre fishek me të cilën armë dyshohet se kishte kryer veprën”, njofton policia.

I dyshuari sipas policisë, pas intervistimit me vendim të prokurorit është dërguar në mbajtje./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm